26 dekabr 2024-cü il tarixində Ü.Hacıbəyli adına Bakı Musiqi Akademiyasının Tarix-nəzəriyyə fakültəsinin III kurs musiqişünas-tələbələrinin elmi-təcrübi çıxışları keçirildi.

Musiqi tarixi kafedrasının müəllimi Aynur İsgəndərova tərəfindən "Lektorluq təcrübəsi" kursu əsasında keçirilən bu tədbir bəstəkar Arif Mirzəyevin yubileyinə həsr olunmuşdur. Tələbələrin hər biri A.Mirzəyev yaradıcılığını müxtəlif istiqamətlərdən araşdıraraq, uğurlu çıxışlar təqdim etdilər.Qeyd etməliyik ki, "Şərqin J.S.Bach'ı" adlandırılan Arif Mirzəyev, tanınmış Azərbaycan bəstəkarı, orqan ifaçısı, polifonik musiqinin təbliğatçısı, Azərbaycanda dini-memorial musiqinin əsasını qoyanlardan biri kimi qəbul edilir. J.S.Bach üslubunda olan musiqini bu günə qədər özünəməxsus şəkildə yaşadan bəstəkar Şərq və Qərb dini musiqisini çox parlaq şəkildə sintez edir, onun əsərlərində keçmiş və müasir dövrün ənənələri toqquşur.Millətimizin belə gözəl, istedadlı, öncül sənətkarı ilə hər zaman fəxr etməliyik.
Tədbirin sonunda Musiqi tarixi kafedrasının müdiri, sənətşünaslıq üzrə fəlsəfə doktoru, Əməkdar müəllim, professor Ülviyyə İmanova da öz müsbət rəyini bildirərək, tələbələri təbrik etdi  və  onlara gələcək işlərində uğurlar dilədi.