• Bütün bunlara görə Üzeyir Hacıbəyovun yaradıcılığı Azərbaycan xalqının milli sərvətidir. 

    Üzeyir Hacıbəyov şəxsiyyəti Azərbaycan xalqının iftixarı, bizim milli iftixarımızdır.

     

    Heydər Əliyev

     

  • Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir.

    Çunki xalq yalnız yaradıcı, yalnız bəstəkar deyildir; xalq eyni zamanda misilsiz tənqidçi və musiqi

    əsərlərinin ən yaxşı «istehlakçısıdır», xalq musiqi əsərlərinə diqqətlə yanaşır, yaxşını pisdən seçir.

     

    Üzeyir Hacıbəyli

  • Azərbaycan bəstəkarlıq məktəbinin yaradıcısı, məşhur sovet bəstəkarı Üzeyir Hacıbəyovun musiqisi xalqımızın

    ürəyində yaşayır, onun mə'nəvi həyatını zinətləndirir. Zaman bu böyük iste'dadın qurduğu əzəmətli

    binanı sarsıtmaqdan nəinki acizdir, əksinə, onun getdikcə daha da möhkəmləndiyinə şahid olur.

     

    Qara Qarayev

  • Üzeyir məni özünə xas təmkinlə, çox mehriban bir münasibətlə qarşıladı.

    O gündən başlayaraq, ömrünün axırına qədər ölməz sənətkarın hərarətli münasibətini duydum.

    İlk dəfə şəxsiyyətində hiss etdiyim bu hərarəti get-gedə sənətində də duydum və bütün varlığımla ona bağlandım...

     

    Fikrət Əmirov

     24 may 2024-cü il

    2024-cü il 24-26 may tarixlərində Qırğızıstan Respublikasının Bişkek şəhərində Kara-Kırkız avtonomiya oblastının 100 illiyinə və K.Moldobasanov  adına Qırğızıstan Milli Konservatoriyasının 30 illiyinə həsr olunmuş beynəlxalq forum keçirildi.

    Dünyanın 15 ölkəsindən (ABŞ, Rusiya, Fransa, Almaniya, Polşa, İtaliya, Belorusiya, Macarıstan, Azərbaycan, Özbəkistan, Qazaxıstan, Tacikistan, Monqolustan, Çin, Vyetnam, Birləşmiş Ərəb Əmirlikləri və s.) 30 Ali musiqi ocaqlarının rektorları, prorektorları, departament müdirləri, tanınmış incəsənət xadimləri foruma dəvət olunmuşdur.  

    Üzeyir Hacıbəyli adına Bakı Musiqi Akademiyasının Tədris işləri üzrə prorektoru, Əməkdar müəllim, professor Nərminə Quliyeva dəvət olunanlar sırasındadır.

    Forumda ali məktəblərin nümayəndələri ilə Qırğızıstan Milli Konservatoriyasının rektoru, Qırğızıstan Respublikasının Xalq artisti Muratbek Beqaliyev Akimoviç ilə tərəflər arasında əməkdaşlıq memorandumu imzalanmışdır.

    Memorandumun imzalanma mərasimi musiqi təhsilinin inkişafına, tələbə və müəllimlərin peşəkarlığının artırılmasına yönəlmiş beynəlxalq əməkdaşlıq və mədəni mübadilədə yeni mərhələnin rəmzidir. İştirakçılar memorandumun birgə təhsil və mədəniyyət layihələrinin həyata keçirilməsi, ölkələr arasında əlaqələrin möhkəmləndirilməsi və musiqi sənətinin səviyyəsinin yüksəldilməsi üçün əsas olacağına əminliklərini ifadə ediblər.

    Beynəlxalq forum və memorandumun imzalanması qlobal səviyyədə musiqi təhsili və mədəni mübadilə üçün əlverişli şərait yaratmaq üçün səy və resursları birləşdirmək istəyini vurğulayır.

    Back to Top