• Bütün bunlara görə Üzeyir Hacıbəyovun yaradıcılığı Azərbaycan xalqının milli sərvətidir. 

    Üzeyir Hacıbəyov şəxsiyyəti Azərbaycan xalqının iftixarı, bizim milli iftixarımızdır.

     

    Heydər Əliyev

     

  • Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir.

    Çunki xalq yalnız yaradıcı, yalnız bəstəkar deyildir; xalq eyni zamanda misilsiz tənqidçi və musiqi

    əsərlərinin ən yaxşı «istehlakçısıdır», xalq musiqi əsərlərinə diqqətlə yanaşır, yaxşını pisdən seçir.

     

    Üzeyir Hacıbəyli

  • Azərbaycan bəstəkarlıq məktəbinin yaradıcısı, məşhur sovet bəstəkarı Üzeyir Hacıbəyovun musiqisi xalqımızın

    ürəyində yaşayır, onun mə'nəvi həyatını zinətləndirir. Zaman bu böyük iste'dadın qurduğu əzəmətli

    binanı sarsıtmaqdan nəinki acizdir, əksinə, onun getdikcə daha da möhkəmləndiyinə şahid olur.

     

    Qara Qarayev

  • Üzeyir məni özünə xas təmkinlə, çox mehriban bir münasibətlə qarşıladı.

    O gündən başlayaraq, ömrünün axırına qədər ölməz sənətkarın hərarətli münasibətini duydum.

    İlk dəfə şəxsiyyətində hiss etdiyim bu hərarəti get-gedə sənətində də duydum və bütün varlığımla ona bağlandım...

     

    Fikrət Əmirov

    24 fevral 2023-cü il

    24 fevral 2023-cü il tarixində  Üzeyir Hacıbəyli adına Bakı Musiqi Akademiyasının Qara Qarayev adına konfrans zalında Xocalı faciəsi - 31 əlaqədar “Tarix- nəzəriyyə” fakültəsinin (bəstəkar və musiqişünas) tələbələrinin iştirakı ilə konfrans-tədbir təşkil olunmuşdur.

    Konfrans- tədbirin təşkilatçısı sənətşünaslıq üzrə fəlsəfə doktoru, Üzeyir Hacıbəyli adına BMA-nın dosenti Minaxanım Babayeva idi. Tədbirdə ilk öncə Xocalı faciəsi şəhidlərinin ildönümü və Türkiyədə əsrin faciəsi,  zəlzələ nəticəsində dünyasını dəyişmiş insanların  xatirəsi bir dəqiqəlik sükutla yad edildi. Xocalı soyqırımı ilə bağlı bir sıra tarixi məqamlara toxunuldu, tələbələr tərəfindən hazırlanan slaydlar təqdim edildi. Çıxış edənlər sırasında Minaxanım Babayeva, Gülnur Kazımzadə, Aytən Qasımova, Məryəm Əliyeva, Mahnur Mahmudova, Özləm Əliyeva, Neyjən Mustafayeva, Vəfa Əhmədbəyova, Mehriban Mehdiyeva, Nərmin Rəhimova, Aydan Əhmədova, Mələk Cəfərova, Leyla Ağayeva, İradə Məlikova, Fatimə Məmmədzadə, Rüfət Səfərli, Həmidə Yaşar yer almışdır. Azərbaycan tarixinin qan yaddaşı olan Xocalı soyqırımı neçə- neçə evlərin çırağını söndürən erməni vəhşiliyinin səhnəciyi ilə başlandı. Tədbirdə Q.Qarayevin c-moll prelüdü, Cahangir Cahangirovun “Cənnətim Qarabağ", Vasif Adıgözəlovun "Şuşam Laylay", " Ay Laçın", xalq mahnısı "Qarabağın maralı” mahnısının işləməsi səsləndirildi. Son olaraq isə Ü. Hacıbəyli adına Bakı Musiqi Akademiyasının prorektoru Nərminə xanım Quliyeva çıxış etdi.

    Tədbir dinləyicilərin böyük marağına səbəb oldu.