2021-ci ildə dahi şair və mütəfəkkir Nizami Gəncəvinin anadan olmasının 880 illiyi tamam olur.

Prezident İlham Əliyev də Azərbaycan Respublikasında 2021-ci ilin “Nizami Gəncəvi İli” elan edilməsi haqqında Sərəncam imzalamışdır.

Bununla əlaqədar, Üzeyir Hacıbəyli adına Bakı Musiqi Akademiyasının " Konsermeyster ustalığı" kafedrasının müəllimi, professor Gülnarə Acalovanın tələbələri "Bir Nizami əsəri" adlı layihə hazırlamışlar.

Layihədə Sabah qrupunun tələbələri, Respublika və beynəlxalq müsabiqələr laureatları Leyla Zeynalova, Zəhra Cahan Şıxəliyeva, Nərminə İsmayılova , Əzizə Ağazadə, Cəmalə Abdinzadə dahi şair Nizami Gəncəvinin qəzəllərinə yazılmış görkəmli bəstəkarlarımızın-Ü.Hacıbəyli "Sevgili canan", F.Əmirov "Gülüm", C.Cahangirov " Gül camalın", A.Rzayev "Lirik mahnı", Ü.Hacıbəyli "Sənsiz" romanslarını ifa etdilər. Sonda qəzəli səsləndirən Mirzə Səfərovdur.

Qeyd edək ki, layihənin rəhbəri professor Gülnarə Acalova, layihə tərtibçisi Cəmalə Abdinzadə, quruluşçu rejissor isə Dmitri Babayevdir.