• Bütün bunlara görə Üzeyir Hacıbəyovun yaradıcılığı Azərbaycan xalqının milli sərvətidir. 

    Üzeyir Hacıbəyov şəxsiyyəti Azərbaycan xalqının iftixarı, bizim milli iftixarımızdır.

     

    Heydər Əliyev

     

  • Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir.

    Çunki xalq yalnız yaradıcı, yalnız bəstəkar deyildir; xalq eyni zamanda misilsiz tənqidçi və musiqi

    əsərlərinin ən yaxşı «istehlakçısıdır», xalq musiqi əsərlərinə diqqətlə yanaşır, yaxşını pisdən seçir.

     

    Üzeyir Hacıbəyli

  • Azərbaycan bəstəkarlıq məktəbinin yaradıcısı, məşhur sovet bəstəkarı Üzeyir Hacıbəyovun musiqisi xalqımızın

    ürəyində yaşayır, onun mə'nəvi həyatını zinətləndirir. Zaman bu böyük iste'dadın qurduğu əzəmətli

    binanı sarsıtmaqdan nəinki acizdir, əksinə, onun getdikcə daha da möhkəmləndiyinə şahid olur.

     

    Qara Qarayev

  • Üzeyir məni özünə xas təmkinlə, çox mehriban bir münasibətlə qarşıladı.

    O gündən başlayaraq, ömrünün axırına qədər ölməz sənətkarın hərarətli münasibətini duydum.

    İlk dəfə şəxsiyyətində hiss etdiyim bu hərarəti get-gedə sənətində də duydum və bütün varlığımla ona bağlandım...

     

    Fikrət Əmirov

    31 yanvar 2026-cı il

    Qış imtahan sessiyası başa çatdı

    Bakı Musiqi Akademiyasında növbəti imtahan sessiyası uğurla başa çatmışdır. Sessiya müddətində müxtəlif kafedralar üzrə keçirilən imtahanlar təşkilati və akademik baxımdan yüksək səviyyədə həyata keçirilmiş, tələbələrin bilik və peşəkar hazırlıq səviyyəsi obyektiv şəkildə qiymətləndirilmişdir.
    Bu gün isə ixtisas fortepiano üzrə dövlət imtahanı da müvəffəqiyyətlə yekunlaşmış, tələbələr öz ifaçılıq bacarıqlarını və sənətkarlıq səviyyələrini uğurla nümayiş etdirmişlər.
    Tələbələrimizə bütün  gələcək fəaliyyətlərində uğurlar arzulayırıq.

    Back to Top