2 iyun 2023-cü il  tarixində  Üzeyir Hacıbəyli adına Bakı Musiqi Akademiyasının nəzdində fəaliyyət göstərən Opera  studiyasının səhnəsində  “Solo oxuma və Opera hazırlığı” kafedrasının tələbələrinin dövlət imtahanı keçirildi.

Qeyd edək ki, dövlət imtahanında C.Verdinin “Traviata” və G.Donisettinin “Don Paskuale” əsərləri səhnələşdirildi.

Tamaşanın dirijoru Xalq artisti Cavanşir  Cəfərov, rejissoru Əməkdar artist Nicat Kazımov, konsertmeyster Nabat Bağırova idi.

C.Verdinin “Traviata” əsərindəki Violetta Valeri – IV kurs tələbələri Atefe Qarabaği, Nailə Xasıyeva,  Alfredo Jermon – IV kurs tələbəsi Emin İsmayılov, Markiz – IV kurs tələbəsi Nazim Mahmudov, Corc Jermon – Opera və Balet teatrının solisti, Əməkdar artist Anton Ferştandt, Flora, Anina – Opera studiyasının solisti Yelena Sarafanova,  Baron – II kurs tələbəsi Kənan Rəhmanzadə, Qaston – II kurs tələbəsi Səməd Novruzov, G.Donisettinin “Don Paskuale” operasını isə Don Paskuale – IV kurs tələbəsi Nazim Mahmudov, Doktor Malatesta (Opera və Balet teatrının solisti Mahir Tağızadə) ifa edərək obrazı yüksək peşəkarlıq ilə canlandırdılar.

Bununla yanaşı statislər və xor qismində  Mədəniyyət və İncəsənət Universitetinin tələbələri Nəsibə Canəliyeva, Rəvan Hüseynov, Hüseyn Bayramov, İradə İsayeva, Sara Tağızadə iştirak etdilər.  

Ü.Hacıbəyli adına Bakı Musiqi Akademiyasının “Solo oxuma və Opera hazırlığı” kafedrasının tələbələrinin dövlət imtahanı uğurla başa çatdı.