• Bütün bunlara görə Üzeyir Hacıbəyovun yaradıcılığı Azərbaycan xalqının milli sərvətidir. 

    Üzeyir Hacıbəyov şəxsiyyəti Azərbaycan xalqının iftixarı, bizim milli iftixarımızdır.

     

    Heydər Əliyev

     

  • Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir.

    Çunki xalq yalnız yaradıcı, yalnız bəstəkar deyildir; xalq eyni zamanda misilsiz tənqidçi və musiqi

    əsərlərinin ən yaxşı «istehlakçısıdır», xalq musiqi əsərlərinə diqqətlə yanaşır, yaxşını pisdən seçir.

     

    Üzeyir Hacıbəyli

  • Azərbaycan bəstəkarlıq məktəbinin yaradıcısı, məşhur sovet bəstəkarı Üzeyir Hacıbəyovun musiqisi xalqımızın

    ürəyində yaşayır, onun mə'nəvi həyatını zinətləndirir. Zaman bu böyük iste'dadın qurduğu əzəmətli

    binanı sarsıtmaqdan nəinki acizdir, əksinə, onun getdikcə daha da möhkəmləndiyinə şahid olur.

     

    Qara Qarayev

  • Üzeyir məni özünə xas təmkinlə, çox mehriban bir münasibətlə qarşıladı.

    O gündən başlayaraq, ömrünün axırına qədər ölməz sənətkarın hərarətli münasibətini duydum.

    İlk dəfə şəxsiyyətində hiss etdiyim bu hərarəti get-gedə sənətində də duydum və bütün varlığımla ona bağlandım...

     

    Fikrət Əmirov

    “Kamera musiqisi konsertləri seriyasi” 

     

    Ü.Hacıbəyli adına Bakı Musiqi Akademiyası yeni “Kamera musiqisi konsertləri seriyasi” proyektini həyata keçirir.

    Noyabrın 29-u saat 1700-da BMA-nın böyük zalında proyektin ilk konserti keçiriləcək. Konsertin proqramı L.V.Bethovenın fleyta, faqot və piano üçün triosu, K.M.Veberin fleyta, violonçel və f-no üçün triosu, L.Farrenkin fleyta, violonçel və f-no üçün triosundan ibarətdir. Konsertin iştirakçıları kamera ansamblı kafedrasının professoru Kəmalə Neymanovanın sinfinin tələbələri və məzunlarıdır.

    Giriş sərbəstdir.