• Bütün bunlara görə Üzeyir Hacıbəyovun yaradıcılığı Azərbaycan xalqının milli sərvətidir. 

    Üzeyir Hacıbəyov şəxsiyyəti Azərbaycan xalqının iftixarı, bizim milli iftixarımızdır.

     

    Heydər Əliyev

     

  • Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir.

    Çunki xalq yalnız yaradıcı, yalnız bəstəkar deyildir; xalq eyni zamanda misilsiz tənqidçi və musiqi

    əsərlərinin ən yaxşı «istehlakçısıdır», xalq musiqi əsərlərinə diqqətlə yanaşır, yaxşını pisdən seçir.

     

    Üzeyir Hacıbəyli

  • Azərbaycan bəstəkarlıq məktəbinin yaradıcısı, məşhur sovet bəstəkarı Üzeyir Hacıbəyovun musiqisi xalqımızın

    ürəyində yaşayır, onun mə'nəvi həyatını zinətləndirir. Zaman bu böyük iste'dadın qurduğu əzəmətli

    binanı sarsıtmaqdan nəinki acizdir, əksinə, onun getdikcə daha da möhkəmləndiyinə şahid olur.

     

    Qara Qarayev

  • Üzeyir məni özünə xas təmkinlə, çox mehriban bir münasibətlə qarşıladı.

    O gündən başlayaraq, ömrünün axırına qədər ölməz sənətkarın hərarətli münasibətini duydum.

    İlk dəfə şəxsiyyətində hiss etdiyim bu hərarəti get-gedə sənətində də duydum və bütün varlığımla ona bağlandım...

     

    Fikrət Əmirov

    16-18 aprel 2024-cü il

    2024-cü il 16-18 aprel tarixlərində Gürcüstanda Yevgeni Mikeladze adına gənc müsiqiçilərin V Beynəlxalq müsabiqəsi keçirildi. 

    Müsabiqədə respublika və beynəlxalq müsabiqələr laureatı Kənan Məmmədzadə (müəllim: Hökumə Əliyeva) uğurla çıxış edərək, Gran Pri mükafatına layiq görülmüşdür.

    Əməkdar müəllim, Üzeyir Hacıbəyli adına Bakı Musiqi Akademiyasının professoru Hökumə Əliyevaya münsiflər heyətinin üzvü olaraq, sertifikat təqdim olunmuşdur. Həmçinin H.Əliyeva müsabiqədəki uğurlu iş üçün diploma layiq görülmüşdür.

    Müəllim Hökumə xanım Əliyevanı və istedadlı tələbəsi Kənan Məmmədzadəni təbrik edir, yeni yaradıcılıq uğurları arzulayırıq!

    Back to Top