• Bütün bunlara görə Üzeyir Hacıbəyovun yaradıcılığı Azərbaycan xalqının milli sərvətidir. 

    Üzeyir Hacıbəyov şəxsiyyəti Azərbaycan xalqının iftixarı, bizim milli iftixarımızdır.

     

    Heydər Əliyev

     

  • Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir.

    Çunki xalq yalnız yaradıcı, yalnız bəstəkar deyildir; xalq eyni zamanda misilsiz tənqidçi və musiqi

    əsərlərinin ən yaxşı «istehlakçısıdır», xalq musiqi əsərlərinə diqqətlə yanaşır, yaxşını pisdən seçir.

     

    Üzeyir Hacıbəyli

  • Azərbaycan bəstəkarlıq məktəbinin yaradıcısı, məşhur sovet bəstəkarı Üzeyir Hacıbəyovun musiqisi xalqımızın

    ürəyində yaşayır, onun mə'nəvi həyatını zinətləndirir. Zaman bu böyük iste'dadın qurduğu əzəmətli

    binanı sarsıtmaqdan nəinki acizdir, əksinə, onun getdikcə daha da möhkəmləndiyinə şahid olur.

     

    Qara Qarayev

  • Üzeyir məni özünə xas təmkinlə, çox mehriban bir münasibətlə qarşıladı.

    O gündən başlayaraq, ömrünün axırına qədər ölməz sənətkarın hərarətli münasibətini duydum.

    İlk dəfə şəxsiyyətində hiss etdiyim bu hərarəti get-gedə sənətində də duydum və bütün varlığımla ona bağlandım...

     

    Fikrət Əmirov

    4-8 dekabr 2017-ci il

    Dekabr ayının 4-ü və 8-i aralığında Macarıstanın “Balatonfüred" şəhərində “RENAİSSANCE” 17-ci Beynəlxalq Müsabiqəsi təşkil edilib. Müsabiqə həm bəstəkarlar, həm də pianistlər arasında keçirilib.

    Bəstəkarlar arasında keçirilən müsabiqə dekabr ayının 5-i və 6-sı na təsadüf edib. Bakı Musiqi Akademiyasının bakalavr pilləsinin Tarix-Nəzəriyyə fakültəsinin “Bəstəkarlıq” ixtisası üzrə IV kurs tələbəsi Kazımova Sevinc İlqar qızı bu müsabiqədə münsiflər heyəti qarşısında təhsil aldığı müddətdə yazmış olduğu 3 hissəli “Simli Kvartet” ini təqdim edib.

    Münsiflər heyəti tərəfindən böyük rəğbətlə qarşılanmış “Simli Kvartet” öz növbəsində bəstəkarlar arasında I Dərəcəli Laureat “Qızıl” mükafatına layiq görülüb. Qeyd edək ki, hal hazırda Sevinc Kazımova Bakı Musiqi Akademiyasında bakalavr pilləsinin IV kursunda Əməkdar İncəsənət Xadimi, Professor Ceyhun Allahverdiyevin sinfində “Bəstəkarlıq” ixtisası üzrə təhsilini davam etdirir.