• Bütün bunlara görə Üzeyir Hacıbəyovun yaradıcılığı Azərbaycan xalqının milli sərvətidir. 

    Üzeyir Hacıbəyov şəxsiyyəti Azərbaycan xalqının iftixarı, bizim milli iftixarımızdır.

     

    Heydər Əliyev

     

  • Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir.

    Çunki xalq yalnız yaradıcı, yalnız bəstəkar deyildir; xalq eyni zamanda misilsiz tənqidçi və musiqi

    əsərlərinin ən yaxşı «istehlakçısıdır», xalq musiqi əsərlərinə diqqətlə yanaşır, yaxşını pisdən seçir.

     

    Üzeyir Hacıbəyli

  • Azərbaycan bəstəkarlıq məktəbinin yaradıcısı, məşhur sovet bəstəkarı Üzeyir Hacıbəyovun musiqisi xalqımızın

    ürəyində yaşayır, onun mə'nəvi həyatını zinətləndirir. Zaman bu böyük iste'dadın qurduğu əzəmətli

    binanı sarsıtmaqdan nəinki acizdir, əksinə, onun getdikcə daha da möhkəmləndiyinə şahid olur.

     

    Qara Qarayev

  • Üzeyir məni özünə xas təmkinlə, çox mehriban bir münasibətlə qarşıladı.

    O gündən başlayaraq, ömrünün axırına qədər ölməz sənətkarın hərarətli münasibətini duydum.

    İlk dəfə şəxsiyyətində hiss etdiyim bu hərarəti get-gedə sənətində də duydum və bütün varlığımla ona bağlandım...

     

    Fikrət Əmirov

    30 aprel 2018-ci il

    Üzeyir Hacıbəyli adına Bakı Musiqi Akademiyasında “Şərq musiqisi və Multikultural dəyərlər” mövzusunda yaradıcı və interaktiv görüş

    Bakı Musiqi Akademiyasında çoxdandır gözlənilən gün gəldi çatdı. Aprel ayının 30 – da ölkələr arası multikultural dəyərlərin inkişaf etdirilməsi məqsədilə nəzərdə tutulmuş tədbir keçirildi. Layihənin əsas təşkilatçısı və rəhbəri Bakı Musiqi Akademiyasının professoru, MDB Parlamentlər arası Şurası Assosiasiyası tərəfindən “Mədəniyyət və İncəsənətin inkişafındakı xidmətlərinə görə”nişanı ilə təltif edilmiş Mina Hacıyeva tədbiri açıq elan etdikdən sonra,Bakı Musiqi Akademiyasının prorektoru, professor Nərminə Quliyeva qonaqları salamlayaraq, ölkələrarası mədəni əlaqələrdən danışdıqdan sonra,Hindistan Respublikasının Azərbaycan Respublikasındakı fövqəladə və səlahiyyətli səfiri cənab Sanjay Rana çıxış etdi. Hindistanın qədim musiqi mədəniyyəti, hind raqaları, qədim musiqi alətləri haqqında geniş məlumat verən cənab Sanjay öz təqdimatında qədim köklərə malik hind musiqi mədəniyyətini göz önündə canlandırdı.Cənab səfirin BMA – na bağışladığı musiqi alətləri “saranqi”, “santur”, “sarod” və üç cildi olan Hind musiqisi haqqında olan Oksford ensiklopediyası tədbir iştirakçılarının böyük marağına və sevincinə səbəb oldu. BMA-nın dəyərli müəllimlərindən olan Mina xanım təşəkkür əlaməti olaraq cənab Sanjay Rana özünün müəllifi olduğu və 3 dildə ışıq üzü görən “Üzeyir Hacıbəyli musiqi təfəkkürü fəlsəfi mədəniyyəti”, “Qara Qarayevin təfəkkürün fəlsəfəsi”, “ Firəngiz Əlizadə musiqisinin fəlsəfi dünyası” və yeni nəşrdən çıxmış “Azərbaycan muğam fəlsəfəsi” adlı 4 kitabını; dəyərli musiqilər olan disklər hədiyyə olundu. 

    Daha sonra növbə təbii ki,musiqiyə verildi.Hind əsilli rəqqasə, 25 il peşakar hind rəqsləri ilə məşğul olmuş, 2 ildi isə Azərbaycanda yaşayan xanım Nişa Gövindan hind dini musiqisi ilə əlaqəli olan rəqsini tədbir iştirakçılarına təqdim etdi. Bakı Beynəlxalq Multikltiralizm Mərkəzinin icraçı direktoru Rəvan Həsənovun öz çıxışında multikulturalizm Azərbaycan Respublikası dövlər siyasəti kimi işıqlandırdı, sonra isə BMA magistr I kurs tələbəsi Əlizadə Könül Hindistanın musiqi mədəniyyəti ,alətləri haqqında maraqlı məruzə ilə çıxış edərək hazırladığı slaydlarla tədbir iştirakçıları üçün hind musiqisini əyani göz önündə canlandırdı. Məşhur rəqqasə Solmaz Artinin solo rəqsindən sonra,onun rəhbərliyi və verdiyi quruluş əsasında BMA- nın magistr I kurs tələbələrinin ifasında rəqs nümayiş olundu.Tədbir iştirakçıları belə görüşlərin davamlı olması arzu ediblər.

    Əliyeva Camalə (BMA)