• Bütün bunlara görə Üzeyir Hacıbəyovun yaradıcılığı Azərbaycan xalqının milli sərvətidir. 

    Üzeyir Hacıbəyov şəxsiyyəti Azərbaycan xalqının iftixarı, bizim milli iftixarımızdır.

     

    Heydər Əliyev

     

  • Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir.

    Çunki xalq yalnız yaradıcı, yalnız bəstəkar deyildir; xalq eyni zamanda misilsiz tənqidçi və musiqi

    əsərlərinin ən yaxşı «istehlakçısıdır», xalq musiqi əsərlərinə diqqətlə yanaşır, yaxşını pisdən seçir.

     

    Üzeyir Hacıbəyli

  • Azərbaycan bəstəkarlıq məktəbinin yaradıcısı, məşhur sovet bəstəkarı Üzeyir Hacıbəyovun musiqisi xalqımızın

    ürəyində yaşayır, onun mə'nəvi həyatını zinətləndirir. Zaman bu böyük iste'dadın qurduğu əzəmətli

    binanı sarsıtmaqdan nəinki acizdir, əksinə, onun getdikcə daha da möhkəmləndiyinə şahid olur.

     

    Qara Qarayev

  • Üzeyir məni özünə xas təmkinlə, çox mehriban bir münasibətlə qarşıladı.

    O gündən başlayaraq, ömrünün axırına qədər ölməz sənətkarın hərarətli münasibətini duydum.

    İlk dəfə şəxsiyyətində hiss etdiyim bu hərarəti get-gedə sənətində də duydum və bütün varlığımla ona bağlandım...

     

    Fikrət Əmirov

    16 yanvar 2018-ci il

    16 yanvar 2018-ci il tarixində Azərbaycan Dövlət Filarmoniyasında istedadlı bəstəkar, əməkdar incəsənət xadimi, sənətşünaslıq üzrə fəlsəfə doktoru, professor Elnara Dadaşovanın müəllif konserti keçirilmişdir.


    Tədbiri sənətşünaslıq üzrə fəlsəfə doktoru Jalə Qulamova giriş sözü ilə açaraq bəstəkarın yaradıcılıq yolu haqqında ətraflı məlumat vermişdir. Jalə xanım Bəstəkarlar İttifaqının Elnara xanıma ünvanladığı və Ittifaqın sədri, xalq artisti, professor Firəngiz Əlizadənin imzaladığı təbriknaməni gecənin qəhrəmanına təqdim etmiş, ardınca isə konsert musiqisevərlərin ixtiyarına verilmişdir.

    Konsertdə əməkdar artistlərdən - Gülnaz Ismayılova, Anar Şuşalı, İlham Nəcəfov, Beynəlxalq müsabiqələr laureatları Fəhri Kazım Nicat və Firuzə Nəcəfli, 35 saylı musiqi məktəbinin şagirdləri, “Bənövşə” xorunun solistləri Babazadə Cavidan və Salmanlı Əli, 5-ci Televiziya Muğam müsabiqəsinin qalibi (1-ci yer) Nisbət Sədrayeva, 2015-ci ilin televiziya Muğam müsabiqəsinin laureatı Sədəf Budaqova, amerikalı vokalçı Aleksandriya Sultan Fon Brüsseldorf, bədii rəhbər və baş dirijor Şəhla Ələkbərovanın rəhbərlik etdiyi AzTV və Radiosunun C.Cahangirov adına kapellası, dirijor Əməkdar İncəsənət Xadimi Nazim Hacıəlibəyov rəhbərliyi ilə AzTV və Radiosunun simfonik orkestri maraqlı konsert proqramı ilə çıxış etmişdirlər.

    Azərbaycan Dövlət Mədəniyyət Kanalının təşkilatçılığı ilə baş tutan musiqili gecədə müəllifin repertuarından səslənən kompozisiyalar tamaşaçıların qəlbində hələ uzun müddət qalacaq.