• Bütün bunlara görə Üzeyir Hacıbəyovun yaradıcılığı Azərbaycan xalqının milli sərvətidir. 

    Üzeyir Hacıbəyov şəxsiyyəti Azərbaycan xalqının iftixarı, bizim milli iftixarımızdır.

     

    Heydər Əliyev

     

  • Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir.

    Çunki xalq yalnız yaradıcı, yalnız bəstəkar deyildir; xalq eyni zamanda misilsiz tənqidçi və musiqi

    əsərlərinin ən yaxşı «istehlakçısıdır», xalq musiqi əsərlərinə diqqətlə yanaşır, yaxşını pisdən seçir.

     

    Üzeyir Hacıbəyli

  • Azərbaycan bəstəkarlıq məktəbinin yaradıcısı, məşhur sovet bəstəkarı Üzeyir Hacıbəyovun musiqisi xalqımızın

    ürəyində yaşayır, onun mə'nəvi həyatını zinətləndirir. Zaman bu böyük iste'dadın qurduğu əzəmətli

    binanı sarsıtmaqdan nəinki acizdir, əksinə, onun getdikcə daha da möhkəmləndiyinə şahid olur.

     

    Qara Qarayev

  • Üzeyir məni özünə xas təmkinlə, çox mehriban bir münasibətlə qarşıladı.

    O gündən başlayaraq, ömrünün axırına qədər ölməz sənətkarın hərarətli münasibətini duydum.

    İlk dəfə şəxsiyyətində hiss etdiyim bu hərarəti get-gedə sənətində də duydum və bütün varlığımla ona bağlandım...

     

    Fikrət Əmirov

    10 mart 2022-ci il

    10 mart 2022-ci il tarixində Kamera və Orqan Musiqi zalında 8 mart Beynəlxalq Qadınlar gününə həsr olunmuş "Qadınlar musiqidə" adlı kamera konserti keçirildi.

    Tədbirdə Sənətşünaslıq üzrə fəlsəfə doktoru, dosent Jalə Qulamova ön sözlə çıxış edərək, qadınları bayram münasibətilə təbrik etdi və Azərbaycan qadınlarının bütün sahələrdə olduğu kimi musiqi sənətində də böyük rolu olduğunu vurğuladı.

    Sonra söz musiqiyə verildi.

    Tədbirdə tanınmış qadın bəstəkarları  Ruhəngiz Qasımova, Nərgiz Şəfiyeva, Mehriban Əhmədova, Pikə Axundova, Rəna Qədimova, Sevda İbrahimova, Nərminə Nağıyeva,  Adilə Yusifova, Elza Seyidcahanın əsərləri səsləndirildi.

    Xüsusi qeyd etmək istərdik ki, bayram abu-havalı konsert proqramında  Bakı Musiqi Akademiyasının parlaq simaları olan BMA-nın elmi- tədqiqat və yaradıcılıq işləri üzrə prorektoru, professor, fəlsəfə elmləri doktoru, Əməkdar İncsənət Xadimi Gülnaz Abdullazadənin "Könlüm sitəminlə canə yetdi", "Cığırlar", "Sən olmasan" və professor, Sənətşünaslıq üzrə fəlsəfə doktoru, Qızıl Qələm media mükafatı laureatı, Əməkdar incəsənət xadimi

     Elnarə Dadaşovanın "Süsən sünbül", "Səda", "Muğamsayağı" əsərləri də səsləndirilmişdir.

    Konsert iştirakçıları Xalq artisti Gülnaz İsmayılova, Əməkdar artistlər İnarə Babayeva, Anar Şuşalı, İlham Nəzərov, Beynəlxalq müsabiqə laureatları Fəqan Həsənli, Zərif Kərimova, Əminə Zülfüqarova, Nərgiz Əliyeva, Şəfəq Abdullayeva,  Leyla Dadaşova, Fəridə Əhmədbəyova, Arzu Səfərova, Zərrin Əliyeva, Məhəmmədəli Paşazadə, Elnur Cəfərov  parlaq ifaları ilə dinləyicilərin zövqünü oxşadılar.

    Qadınlar gününə həsr olunan konsert tamaşaçıların gurultulu alqış sədaları altında başa çatdı.

    Back to Top