• Bütün bunlara görə Üzeyir Hacıbəyovun yaradıcılığı Azərbaycan xalqının milli sərvətidir. 

    Üzeyir Hacıbəyov şəxsiyyəti Azərbaycan xalqının iftixarı, bizim milli iftixarımızdır.

     

    Heydər Əliyev

     

  • Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir.

    Çunki xalq yalnız yaradıcı, yalnız bəstəkar deyildir; xalq eyni zamanda misilsiz tənqidçi və musiqi

    əsərlərinin ən yaxşı «istehlakçısıdır», xalq musiqi əsərlərinə diqqətlə yanaşır, yaxşını pisdən seçir.

     

    Üzeyir Hacıbəyli

  • Azərbaycan bəstəkarlıq məktəbinin yaradıcısı, məşhur sovet bəstəkarı Üzeyir Hacıbəyovun musiqisi xalqımızın

    ürəyində yaşayır, onun mə'nəvi həyatını zinətləndirir. Zaman bu böyük iste'dadın qurduğu əzəmətli

    binanı sarsıtmaqdan nəinki acizdir, əksinə, onun getdikcə daha da möhkəmləndiyinə şahid olur.

     

    Qara Qarayev

  • Üzeyir məni özünə xas təmkinlə, çox mehriban bir münasibətlə qarşıladı.

    O gündən başlayaraq, ömrünün axırına qədər ölməz sənətkarın hərarətli münasibətini duydum.

    İlk dəfə şəxsiyyətində hiss etdiyim bu hərarəti get-gedə sənətində də duydum və bütün varlığımla ona bağlandım...

     

    Fikrət Əmirov

    11 dekabr 2017-ci il

     11 dekabr 2017-ci il tarixində Üzeyir Hacıbəyli adına Bakı Musiqi Akademiyasının Q.Qarayev adına konfrans zalında, Ümumilli lider Heydər Əliyevə həsr olunmuş anım tədbiri keçirilib.

    BMA-nın Beynəlxalq əlaqələr və tərbiyə işləri üzrə prorektoru, Azərbaycan Respublikasının Xalq artisti, professor Yeganə Axundova gələn qonaqları salamlayıb və tədbiri açıq elan edib. Professor-müəllim və tələbə heyətinin iştirakı ilə keçirilən tədbirdə ilk öncə Ulu öndər Heydər Əliyevin həyatını və Azərbaycan tarixində gördüyü müstəsna işlərini əks etdirən film izlənilib.

    Bunun ardınca Ü.Hacıbəyli adına Bakı Musiqi Akademiyasının Əməkdar İncəsənət xadimi, fəlsəfə elmləri doktoru, Bakı Musiqi Akademiyasının elmi işlər üzrə prorektoru, professor Gülnaz Abdullazadə, “Humanitar fənlər” kafedrasının müdiri, filologiya elmləri doktoru, professor Tərlan Quliyev və Əməkdar İncəsənət xadimi, Fəlsəfə elmləri doktoru, professor Telman Hacıyev çıxış edərək Ümumilli lider Heydər Əliyevin Azərbaycan xalqının inkişafında gördüyü misilsiz xidmətlərindən danışıblar. Anım tədbirində görkəmli şəxsiyyətin siyasi, ictimai, dövlət quruculuğunda və digər sahələrə görsətdiyi mühüm xidmətləri ətrafında söhbətlər aparılıb. Çıxış zamanı Ümumilli liderin mədəniyyət sahəsinə verdiyi dəyərli töfhələr xüsusilə qeyd olunub.

    Tədbirdə professorların çıxışları ilə yanaşı Ü.Hacıbəyli adına Bakı Musiqi Akademiyasının tələbələrinin ifasında musiqi nömrələri təqdim olunub.

    Belə ki, Nigar Heydərli (Sergey Raxmaninov “Elegiya”), Nigar Cəfərova (Q.Fore “Oyanış”), Ləman Əsədova (Sergey Raxmaninov “Vokaliz”), Səid Bağırzadə (Nazim Əliverdibəyov “Elegiya”), Fidan Mirheydərzadə (Vaqif Mustafazadə- Fikrət Əmirov “Ömrün səhifələri”) ifasında musiqi nömrələri səslənib.

    Back to Top