• Bütün bunlara görə Üzeyir Hacıbəyovun yaradıcılığı Azərbaycan xalqının milli sərvətidir. 

    Üzeyir Hacıbəyov şəxsiyyəti Azərbaycan xalqının iftixarı, bizim milli iftixarımızdır.

     

    Heydər Əliyev

     

  • Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir.

    Çunki xalq yalnız yaradıcı, yalnız bəstəkar deyildir; xalq eyni zamanda misilsiz tənqidçi və musiqi

    əsərlərinin ən yaxşı «istehlakçısıdır», xalq musiqi əsərlərinə diqqətlə yanaşır, yaxşını pisdən seçir.

     

    Üzeyir Hacıbəyli

  • Azərbaycan bəstəkarlıq məktəbinin yaradıcısı, məşhur sovet bəstəkarı Üzeyir Hacıbəyovun musiqisi xalqımızın

    ürəyində yaşayır, onun mə'nəvi həyatını zinətləndirir. Zaman bu böyük iste'dadın qurduğu əzəmətli

    binanı sarsıtmaqdan nəinki acizdir, əksinə, onun getdikcə daha da möhkəmləndiyinə şahid olur.

     

    Qara Qarayev

  • Üzeyir məni özünə xas təmkinlə, çox mehriban bir münasibətlə qarşıladı.

    O gündən başlayaraq, ömrünün axırına qədər ölməz sənətkarın hərarətli münasibətini duydum.

    İlk dəfə şəxsiyyətində hiss etdiyim bu hərarəti get-gedə sənətində də duydum və bütün varlığımla ona bağlandım...

     

    Fikrət Əmirov

    28 noyabr 2018-ci il

    28 noyabr 2018-ci il tarixində Bakı Konqres Mərkəzində Azərbaycan müəllimlərinin XV qurultayı keçirilib.


    XV Qurultaya ümumi təhsil, orta ixtisas və peşə təhsili müəssisələrindən 1400-ə yaxın, ali təhsil müəssisələrindən isə 200-dən artıq nümayəndə qatılıb.
    Qurultay Azərbaycan Respublikasının Dövlət himninin səslənməsi ilə başlayıb. Daha sonra tədbir iştirakçıları ümummilli lider Heydər Əliyevin, Vətənimizin müstəqilliyi uğrunda canlarından keçmiş şəhidlərin və Azərbaycan müəllimlərinin 14-cü qurultayından ötən dövr ərzində vəfat etmiş təhsil işçilərinin əziz ruhlarını bir dəqiqəlik sükutla yad ediblər.
    Bunun ardınca Azərbaycan prezidenti İlham Əliyevin müəllimlərə ünvanlandığı təbrik məktubunu Prezident Administrasiyasının Humanitar siyasət məsələləri şöbəsinin müdiri Fərəh Əliyeva oxuyub. Məktubda deyilir: "Hörmətli qurultay iştirakçıları, əziz müəllimlər və təhsil işçiləri. Sizi - Azərbaycan müəllimlərinin XV qurultayının iştirakçılarını səmimi salamlayır, ölkəmizin bütün təhsil işçilərinə ən xoş arzularımı bildirir, hər birinizə çətin, şərəfli fəaliyyətinizdə yeni nailiyyətlər arzu edirəm.
    Tədbirdə "Azərbaycan Respublikasında təhsilin İnkişafı üzrə Dövlət Strategiyası"ndan irəli gələn məsələlər və qarşıya qoyulan əsas hədəflərin həyata keçirilməsi məsələləri müzakirə olunur. Eyni zamanda ümumi təhsil sahəsi ilə bağlı panel müzakirələr aparılıb.
    Qurultay çərçivəsində həmçinin Azərbaycan Respublikası Prezidentinin sərəncamları ilə “Əməkdar müəllim” fəxri adı və “Tərəqqi" medalına layiq görülən 100-dən artıq təhsil işçisinə dövlət təltifləri təqdim edilməsi ilə yanaşı musiqi nömrələrinə yer verilib.
    Belə ki, ilk öncə Ü.Hacıbəyil adına Bakı Musiqi Akademiyasının Gənclər Kamera Orkestrinin ifasında (Dirijor: Xalq Artisti Fəxrəddin Kərimov) Aqşin Əlizadə "Cəngi", Qara Qarayev “İldırımlı yollarla” baletindən ehtiraslı qızların rəqsi səslənib.
    Daha sonra bir-birindən parlaq ifaçılar tərəfindən (Niyazi “Arzu” (İfa edir: Beynəlxalq müsabiqə laureatı, Azərbaycan Dövlət Musiqili Teatrın solisti Aydan Həsənova), Azərbaycan Xalq mahnısı “Qaragilə” (İfa edir: Xalq artisti Nəzakət Teymurova), Fikrət Əmirov “Sevgi rəqsi” (İfa edir: Beynəlxalq müsabiqələr laureatı Ceyla Seyidova), Emin Sabitoğlu “Şükriyyə” (İfa edir: Xalq artisti Azər Zeynalov), Caz kompozisiyası (İfa edir: Əməkdar Artist Isfar Sarabski), Fikrət Əmirov “Şeyx Sənan” dramına yazılmış musiqidən Kor ərəbin mahnısı (İfa edir: Xalq artisti Mənsum İbrahimov), H.Rzayev “Çahargah rapsodiyası” (Solistlər: Respublikanın əməkdar artistləri Elçin Həşimov, Elnur Əhmədov), Qarabağ Şikəstəsi (İfa edir: Xalq artistləri Mənsum İbrahimov və Nəzakət Teymurova. Müşayiət edirlər: Əməkdar artistlər Elçin Həşimov, Elnur Əhmədov), Müslüm Maqomayev “Azərbaycan” (İfa edir: Beynəlxalq müsabiqələr laureatı, Opera və balet teatrının solisti Taleh Yəhyayev)) musiqi nömrələri ifa edilib.
    Qeyd edək ki, konsertin bədii rəhbəri Xalq artisti, professor Yeganə Axundovadır.