• Bütün bunlara görə Üzeyir Hacıbəyovun yaradıcılığı Azərbaycan xalqının milli sərvətidir. 

    Üzeyir Hacıbəyov şəxsiyyəti Azərbaycan xalqının iftixarı, bizim milli iftixarımızdır.

     

    Heydər Əliyev

     

  • Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir.

    Çunki xalq yalnız yaradıcı, yalnız bəstəkar deyildir; xalq eyni zamanda misilsiz tənqidçi və musiqi

    əsərlərinin ən yaxşı «istehlakçısıdır», xalq musiqi əsərlərinə diqqətlə yanaşır, yaxşını pisdən seçir.

     

    Üzeyir Hacıbəyli

  • Azərbaycan bəstəkarlıq məktəbinin yaradıcısı, məşhur sovet bəstəkarı Üzeyir Hacıbəyovun musiqisi xalqımızın

    ürəyində yaşayır, onun mə'nəvi həyatını zinətləndirir. Zaman bu böyük iste'dadın qurduğu əzəmətli

    binanı sarsıtmaqdan nəinki acizdir, əksinə, onun getdikcə daha da möhkəmləndiyinə şahid olur.

     

    Qara Qarayev

  • Üzeyir məni özünə xas təmkinlə, çox mehriban bir münasibətlə qarşıladı.

    O gündən başlayaraq, ömrünün axırına qədər ölməz sənətkarın hərarətli münasibətini duydum.

    İlk dəfə şəxsiyyətində hiss etdiyim bu hərarəti get-gedə sənətində də duydum və bütün varlığımla ona bağlandım...

     

    Fikrət Əmirov

    4 mart 2020-ci il

    5-20 sentyabr 2020-ci il tarixində Gürcüstanda təntənəli “Tsinandali” festivalı keçiriləcəkdir. Festivalın əsas istiqaməti dirijor Jinandrea Nozedanın rəhbərliyi ilə Pan-Qafqaz Gənclər Simfonik Orkestrinin formalaşdırılmasıdır.

    Orkestrin tərkibində Türkiyə, Qazaxıstan, Ukrayna və Qafqaz ölkələrindən musiqiçilərin iştirakı nəzərdə tutulub.
    2020-ci il 4 mart tarixində Üzeyir Hacıbəyli adına Bakı Musiqi Akademiyasının “İfaçılıq” fakultəsinin tələbələri “Tsinandali” festivalının təşkilatçılarından ibarət komissiya tərəfindən təşkil olunmuş dinləyişdə iştirak ediblər. Dinləyişdə İtalyan dirijoru Klaudio Vandelli, BMA-nın Beynəlxalq əlaqələr və tərbiyə işləri üzrə prorektoru, professor Yeganə Axundova, “İfaçılıq” fakültəsinin dekanı, professor Nəzmiyyə Abbaszadə və “Nəfəs və zərb alətləri” kafedrasının müəllimi Anar Məmmədov münsiflər qismində iştirak ediblər.
    Dinləyişdən uğurla keçən namizədlər 5-20 sentyabr 2020-ci il tarixində keçiriləcək “Tsinandali” festivalında Pan-Qafqaz Gənclər Simfonik Orkestrinin tərkibində ifa etmək şansının qazanacaqlar.