• Bütün bunlara görə Üzeyir Hacıbəyovun yaradıcılığı Azərbaycan xalqının milli sərvətidir. 

    Üzeyir Hacıbəyov şəxsiyyəti Azərbaycan xalqının iftixarı, bizim milli iftixarımızdır.

     

    Heydər Əliyev

     

  • Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir.

    Çunki xalq yalnız yaradıcı, yalnız bəstəkar deyildir; xalq eyni zamanda misilsiz tənqidçi və musiqi

    əsərlərinin ən yaxşı «istehlakçısıdır», xalq musiqi əsərlərinə diqqətlə yanaşır, yaxşını pisdən seçir.

     

    Üzeyir Hacıbəyli

  • Azərbaycan bəstəkarlıq məktəbinin yaradıcısı, məşhur sovet bəstəkarı Üzeyir Hacıbəyovun musiqisi xalqımızın

    ürəyində yaşayır, onun mə'nəvi həyatını zinətləndirir. Zaman bu böyük iste'dadın qurduğu əzəmətli

    binanı sarsıtmaqdan nəinki acizdir, əksinə, onun getdikcə daha da möhkəmləndiyinə şahid olur.

     

    Qara Qarayev

  • Üzeyir məni özünə xas təmkinlə, çox mehriban bir münasibətlə qarşıladı.

    O gündən başlayaraq, ömrünün axırına qədər ölməz sənətkarın hərarətli münasibətini duydum.

    İlk dəfə şəxsiyyətində hiss etdiyim bu hərarəti get-gedə sənətində də duydum və bütün varlığımla ona bağlandım...

     

    Fikrət Əmirov

    11 may 2020-ci il

    “Koronavirus” pandemiyası ilə əlaqədar tətbiq edilən xüsusi karantin rejimində Üzeyir Hacıbəyli adına Bakı Musiqi Akademiyasında bütün ixtisaslar üzrə “online” və videodərslər “Microsoft Teams” proqramı vasitəsilə həyata keçirilir.

    Online tədris prosesi zamanı seminarlar təşkil olunaraq, tələbələrin bilik qiymətləndirilməsi aparılır.

    Distant şəkildə keçirilən dərslər, seminarlar, kollekviumlar  barəsində ali təhsil müəssisəsinə hesabat verilir və bütün məlumatlar akademiyanın rəsmi “Youtube” kanalı, “Facebook” və “İnstagram” səhifələrində yerləşdirilir.

    Qeyd edək ki, distant tədris prosesi ilə yanaşı, eyni zamanda Bakı Musiqi Akademiyasının müəllim heyəti və tələbələri Azərbaycan Respublikasının Mədəniyyət Nazirliyinin və Mədəniyyət kanalının birgə təşkil etdiyi bütün layihələrə qoşularaq, “online” konsertlərdə çıxış edir, #evdəqal şüarı altında mədəniyyətimizin təbliğində fəal iştirak edirlər.