Abdullazadə Gülnaz Abutalıb qızı
Professor, fəlsəfə elmləri doktoru, Əməkdar İncsənət Xadimi
Doğum yeri və tarixi: Azərbaycan, Bakı şəh., 07.09.1946
Təhsil: 1964-1971 - Azərbaycan Dövlət Konservatoriyası. İxtisas: bəstəkar.
1976-1979-cu illərdə M.Y.Lomonosov adına Moskva Dövlət Universitetinin “Fəlsəfə” fakültəsinin “Estetika” kafedrasının aspirantı.
Elmi dərəcə və elmi adlar: “Hegelin estetikasında musiqi sənəti problemləri” mövzusunda 1979-cu ildə fəlsəfə elmləri namizədi.
“Qədim və orta əsrlərdə musiqi mədəniyyətinin tarix-fəlsəfi təhlili” (Qərb-Şərq problemi kontekstində) mövzusunda1990-cı ildə fəlsəfə elmləri doktoru.
1983-cü ildə dosent.
1992-ci ildə professor.
Fəxri ad və mükafatlar: 2007 - Azərbaycan Respublikasının Əməkdar İncsənət Xadimi.
2008 - YUNESKO Beynalxalq Rəqslər Şurasının üzvü.
2009 - İCOM təşkilatının üzvü.
2012 - Azərbaycan bayrağı mükafatı laureatı.
2012 – «Xalqın nüfuzlu ziyalısı» fəxri diplomu.
2012 - «Qızıl qələm» media mükafatı laureatı diplomu.
Pedaqoji fəaliyyəti: 1 N musiqi məktəbində (1963-1969), A.Zeynallı adına Bakı Musiqi Texnikumu (1969-1976), Azərbaycan Xarici Dillər Pedaqoji İnstitutunun “Ictimai elmlər” kafedrasında müəllim, baş müəllim, dosent, kafedra müdiri (1980-1990) və 1990-cı ildən bu günədək Bakı Musiqi Akademiyasının elmi-tədqiqat və yaradıcılıq işləri üzrə prorektoru vəzifəsində çalışır. Ali Attestasiya Komissiyasında «İnjəsənət» bölməsinin ekspert şurasının sədri (2011). Azərbaycan Respublikası Təhsil Nazirliyinin 98 nömrəli 10.02.1992-ci il tarixli əmrinə əsasən BMA-da G.Abdullazadənin şəxsi təşəbbüsü və səyi nəticəsində yaradılan “Azərbaycan şifahi ənənəli professional musiqisinin öyrənilməsi və müasir istiqamətləri”, “Azərbaycan musiqi alətlərinin bərpası” adlı iki elmi-tədqiqat və elmi-praktiki laboratoriyalar açılmışdır. 2011-ci ildə isə 1303 04.12.2008-ci il əmrinə əsasən G.Abdullazadənin səyi nəticəsində Akustik laboratoriya təşkil olunub, yaradılmışdır. 80-də çox doktorant və dissertantlara elmi rəhbərlik etmişdir.
Elmi fəaliyyəti: 100 ç.v. həcmində 50-dan çox müxtəlif adda elmi əsərləri var. Bunlardan: “Azərbaycan muğamlarının fəsləfi mahiyyəti” (B. 1983); “Musiqi sənətinin fəlsəfi mahiyyəti” (B.1985); “Musiqi, insan, cəmiyyət” (B. 1991); “Azərbaycan fəlsəfəsi” (B. 1993) (A.Şükürov ilə birgə); “Qədim və orta əsrlərin musiqi mədəniyyəti” (B. 1996); “Hegelin musiqi estetikası” (B. 1994) və s. «Qədim və Orta əsrlərin musiqi mədəniyyəti». Beynəlxalq Muğam simpoziumu çərçivəsində nəşr olunan Azərbaycan dilində ikinci buraxılış. Bakı, «Şərq-Qərb», 2009 17 ç.v.) monoqrafiyalarını göstərmək olar. Fərhad Bədəlbəyli, Gülnaz Abdullazadə, Oqtay Rəcəbov, Firəngiz Hidayətova tərəfindən hazırlanan «Azərbaycan bəstəkarlarının uşaq mahnıları adlı çoxcildli Antologiya - I cild, II cild 2010-cu il, III cild (13,25 ç.v.) 2011-ci il, IV cild (14,25 ç.v.) 2012-ci il; Fərhad Bədəlbəyli, Gülnaz Abdullazadə, Oqtay Rəcəbov, Natiq Mustafayev «Azərbaycan xalq rəqsləri» (fortepiano üçün işləmələr) – (6,75 ç.v.) 2011-ci il.
Azərbaycanda və dünyanın bir çox ölkələrində keçirilən beynəlxalq konfranslarda çıxışlar, seksiyalara rəhbərlik etmiş və bir sıra konservatoriyalarda məruzlələr oxumuşdur.
